Sardu Pintau

​“Just So Stories for Little Children” est un’òpera de su scritori inglesu Rudyard Kipling publicada in su 1902. Su tìtulu, contat Kipling etotu, est dèpiu a su fatu chi issu iat scritu custus contixeddus po ddus lìgiri a sa fillixedda in s’ora de si dromiri e chi candu issu circaiat de mudai una frasi o calincunu elementu de su contu, sa fillixedda ddi naraiat: “Nossi! Aici est su contu e aici mi ddu depis contai!”
“Aici est su contu” est un’arrespusta fantasiosa e spassiosa a is crosidadis de is pipius chi bolint sciri sempri totu in contu de totu, ma prus che àteru in contu de animalis e duncas “poita est chi su cammellu est a tzùmburu?” o “poita s’elefanti est a nasu longu longu?” o “poita su canguru sàrtiat aici?”. In custu libru capint seti de is contus de Kipling, bortaus in lìngua sarda e illustraus, po chi ndi potzant gosai pipius piticus e prus matucheddus. Contixeddus imbentaus prus de cent’annus a oi chi no ant pèrdiu nudda de su spantu e de sa bellesa issoru e chi parint pensaus po essi scritus in sardu.